ريم پاپاسى فرانسيسك ليونەل مەسسيگە قاتىستى فۋتبول  سۇيەر قاۋىم ايتىپ جۇرگەن فرازانى كوپ  قولدانا بەرمەۋگە شاقىردى. اتاپ ايتار بولساق، ارگەنتينا مەن «بارسەلونا» كلۋبىنىڭ شابۋىلشىسى ليونەل مەسسيدى ءوزىنىڭ فاناتتارى «فۋتبول قۇدايى» دەپ اتاعانى بەلگىلى.

الايدا ريم پاپاسى فۋتبول جۇلدىزىن بۇلاي دەپ اتاۋعا ۇزىلدى-كەسىلدى قارسىلىعىن ءبىلدىردى. سونىمەن قاتار مەسسيدى بولاشاقتا «قۇداي» دەپ اتاماۋعا شاقىردى.

ريم پاپاسىنىڭ ايتۋىنا قاراعاندا، «ليونەل مەسسي شىندىعىندا قازىرگى فۋتبول ونەرىندەگى جارىق جۇلدىز، ول فۋتبول تاريحىنداعى  شىن مانىندە تاريحي تۇلعا». وسى ۋاقىتقا دەيىن  الەمدەگى ەڭ ۇزدىك فۋتبولشىعا بەرىلەتىن «التىن دوپ» جۇلدەسىن بەس رەت جەڭىپ العان فۋتبولشىنىڭ ءقازىر دە اتاق -داڭقى جەر جارىپ تۇر..

–تەوريالىق تۇرعىدان العاندا، «بارسەلونانىڭ» فۋتبولشىسى مەسسيدى قۇداي دەپ اتاۋ كۇپىرلىك. سوندىقتان ۇلى فۋتبولشىنى ولاي دەپ اتاۋعا بولمايدى. ادامدار ونىڭ ويىن شەبەرلىگىنە قىزىعىپ جانە مەسسيدىڭ مىقتىلىعىن مويىنداپ، «فۋتبول قۇدايى» دەپ اتاۋى مۇمكىن. ءبىراق بۇل دۇرىس ەمەس. ادام جالعىز قۇدايعا عانا تابىنۋى كەرەك.  «فۋتبول قۇدايى» – قۇرمەت  ءبىلدىرۋ تۇرعىسىنان ايتىلاتىن فرازا. ارينە، مەسسيدىڭ ويىن الاڭىنداعى شەبەرلىگىندە ءمىن جوق، ءبىراق ول قۇداي ەمەس،–دەدى ريم پاپاسى فرانسيسك.